ඔබට

පෙනෙන ‍- නොපෙනෙන දුරකදිත් ඔබව මේ දෑසට

රිදුමක් ලෙසින් තිගැස්සෙයි හදවතේ ලේ නහර

දහසකුත් දනන් මැද ඔබම පමණක් සිහිවීම

ප්‍රියය - ප්‍රේමයක් නම්, මම වෙමිය - ඔබට ප්‍රේමිය.

සොඳුර

සොඳුර,
අප නිහඬ බව අතර තුර
මතක අතු රිකිළි
සුළඟ හමන අතටම
දුටුවද? නැවෙන හැටි

ආදරය නුඹ සොයමි

සොයමි මම..
තවම නුඹ..  
කොහෙද හැංගෙනු  
මිදි මාවෙතින්..

රෑක හීනෙන්  
සිතට ගොඩවනු මිසක 
හැබැහින් එන්නේ නැතිවද?

කඳුල ලඟ 
සිනහා රේඛා
අඳින්නට හැක  
ආවොතින් නුඹ...

සොයමි මම..  
ආදරය නුඹ..

ඉතිං ආදරය

                                                          

ඉතිං..
ආදරය
මේ හැටිම
පුළුවන්ද ?
කඳුලක් වෙලා
මගේ නෙත් රිද්දන්න..

ඉතිං..
ආදරය
මේ හැටිම
පුළුවන්ද ?
සුසූමක් වෙලා
මගේ හිත පාරන්න..

ඉතිං..
ආදරය
මේ හැටිම
පුළුවන්ද ?
බොහෝ දුර ඇතක ඇදී
නුඹට තනියෙන් හිනැහෙන්න..

නුඹේන් සිත නොමිදෙන හැටි

හීන ගෙන ආ

තරමටත් වැඩියෙන්

කඳුලු ගෙන ආවත්

මගේ නෙතට

නුඹ....

නුඹේන් 

මගේ සිත

නොමිදෙන හැටි...

කියා දෙන්නට 

මේ මහා රෑ

නුඹේ නෙත 

අවදියෙන්නම්.....

නුඹට ජිවිතය වන්නම්

මගේ 

නෙත

නැගෙන

කඳුලක්...

නුඹට 

හසරැල්ල වේ නම්

ජිවිතය පුරාවට

සිනාසෙන්නට

නුඹට...

මම,

කඳුළු සලන්නම්

රැවටීම

ආදරය 

මා 

නොවෙයි 

රැවටුනේ...

ආදරය

නමින්..

ආදරයමයි

රැවටුනේ...

මා විතරක් උනානම්

පිරිමහ ගන්න

තිබුණානේ  අපට

කඳුලත්

හිනාවත්

දෙකම...

නුඹට..

මා 

විතරක්ම

උනානම්...

නුඹේ හිතේ..

මා 

විතරක්ම

උන්නනම්...

ආදරය නම්

පිච්චෙනවා
කියලා
දැන දැනම

පළගැටියා
නටයි
ඉටිපන්දම්
වට කැරකෙමින්....

මියෙන
මොහොතත්
තටු පිලිස්සී

දකිමින්ම
එළිය
ඉටි පන්දම්
හිත තුටින් පුරවන....

මගේ සතුට

හිතට
මගේ,
රිද්දන
තරම්

හසරැල්ල
ගෙනෙයි නම්
නුඹ මුවට,
කොයි තරම්

එයම
සතුටක්
නොවෙද?
ලැබිය හැකි
ඉස්තරම්

හිත පතුල
අකුරු,පද
ගැලපුනත්
කොයි තරම්