ඔබට

ඔබේ සිනහවක එතී

යළි යළිත් ඉපදෙමි.

ඔබේ හුස්මක වේලී

ජීවිතය කියවමි.

ඔබට 3

ඔබට තිබුණා,

ආදරේ බව නොකියන්න

රහසක්ව රැකගන්න,

එහෙම නම්, මටත් තිබුණා

අන්න අර මහ කන්ද වගේ

නොසැලෙන්න, නොතැවෙන්න.

ඔබට 2

වසන්තයේ දිග පළල

විමසයි නම් කවරෙකු හෝ

කියමි. මම ඒ අයට,

නුඹේ සිනහව ඒ තරම් බව...

ඔබට

ආකහේ සලකුණු බලමි

හිඳින තැන හඳුනගමි

සිතින් පියවර මනිමි

හාදුවක් සුළඟක තබමි

හුදකලා වෙමී.

හුදකලා වෙමි.

වසක් හෝ සිය වසක් වුව
පියවරක් මත පියවරක්
තබා ආ නොහැකිනම් තව.....

බලා හිදිනෙමි.
කාලයක් හෝ කල්පයක් වුව
සිහිනයත් සිහිනයක් වී
රාත්‍රිය  මියෙද්දීත්....

නොවිමසන්නෙමි.
පසුවදන කොහි පෙරවදන් කී
කවිකමට හෝ කවිවලට
සුළඟ ඒ කවි ගයද්දී....