ඔබට

ඔබ කොහිද? අන්න ඒ තැන,

වසන්තය උදා වී අැති.

එතැන ඔබ සිනාසෙන විට

සදෙව් ලොව සිරි ඇති.

ඔබට

සතුට යන තේරුමට 

නුඹේ සිනහව ගමි.

දුක කියන වචනයට

මගේ සුසූමක් ගමි.

හදවතේ තැනින් තැන

දුක සතුට අලවමි.

"කිමැයි ප්‍රේමය" අසන කෙනෙකුට

මගේ හද මම පෙන්වමි.

ඔබට

සොඳුර, ඔබ කැමති තැන

ප්‍රියය ඒ ඔබේ උරහිස

සොඳුර, ඔබ නිවෙන තැන

ප්‍රියය ඒ ඔබේ පපුව හරි මැද

ඔබට

ගැඹුරු නින්දක

හුස්ම සගවමි.

කඳුළු සලනට 

දෙනෙත් නොහරිමි.

ඔබට

ඔබේ සිනහවක එතී

යළි යළිත් ඉපදෙමි.

ඔබේ හුස්මක වේලී

ජීවිතය කියවමි.

ඔබට 3

ඔබට තිබුණා,

ආදරේ බව නොකියන්න

රහසක්ව රැකගන්න,

එහෙම නම්, මටත් තිබුණා

අන්න අර මහ කන්ද වගේ

නොසැලෙන්න, නොතැවෙන්න.

ඔබට 2

වසන්තයේ දිග පළල

විමසයි නම් කවරෙකු හෝ

කියමි. මම ඒ අයට,

නුඹේ සිනහව ඒ තරම් බව...