Wednesday, August 7, 2019

සෘතු


අප; අප වෙතින් සමු ගද්දීත්
නුඹට තෝර ගන්න ඕන උනේම
එවැනිම සෘතුවක් ;
වැව රවුමේ මල් පිපූණ කාලයක්

එත් මම තෝර ගත්තේම
ඊටත් වෙනස් වු සෘතුවක් ;
ළපළු තුරුපත් පවා ගිලිහෙච්ච කාලයක්

තවම නුඹ පිපෙන මල් වලටත්
මම වැටෙන තුරුපතටත්
පෙම් කරන්නට හේතුව
අද ද හැඳිනගත නොහැකිව
අපට අප ආදරේ වග පමණක්
කවියක ලියන

පෙම්වතිය,
සෘතු දෙකක
නුඹ ; මම

Tuesday, June 4, 2019

ඔබට

ඔබ හමුනොවනට
හිඩැස් තියායමි.

යළි නොහරින්නට
දෑස් පියාගමි.

Thursday, May 30, 2019

ඔබට

"ඉතිං නැවතිය යුතු ය මෙතනින්
යළිදු නොබැලිය යුතු ය රහසින්
"


එත් අපි නවතින්න
තිබුණේම අතනින්
නුඹ හැරෙන වංගුවට
අඩි දෙකක් නුදුරෙන්

Thursday, May 23, 2019

සෘතු

සුසූම් ඇහැරුණ සෘතු
හුස්ම නැවතුන සෘතු
අපේ ප්‍රේමයට තිබුණේ
ඒවැනි වු දිග සෘතු


වරක් දෙවරක් මතක හැටියට
ඔබේ පපුවේ හිස තියා ඇති
ඒ තමයි අපේ ප්‍රේමයේ
උදා වු කෙටිම කෙටි සෘතු

Monday, April 8, 2019

ඔබට

“විශ්වය ගෙන තබමි. ප්‍රේමිය ඔබ ළඟ”
නලල මත හාදු දී ඔබ උන පොරොන්දුව
මෙලෙස දෝතින් තිළිණ කර දෙන විටක
 ප්‍රේමයේ දහමට නතුව ප්‍රියය - ඔබ අදහමි.

Thursday, April 4, 2019

ඔබට


“විශ්වය ගෙන තබමි. ප්‍රේමිය ඔබ ළඟ”
නලල මත හාදු දී ඔබ උන පොරොන්දුව
මෙලෙස දෝතින් තිළිණ කර දෙන විටක
 ප්‍රේමයේ දහමට නතුව ප්‍රියය - ඔබ අදහමි.





Wednesday, February 13, 2019

ඔබට

ප්‍රියය - ආදරයෙන් හමුවන
අහස පොළව අතරමැද
ප්‍රේමයට දළු දා වැඩෙන්නට 
අපිත් ප්‍රිය ගහක් හිටවමු